بـــەپــەلــە
یادی ئەنفالی چواری دەشتی کۆیە کرایەوە

یادی ئەنفالی چواری دەشتی کۆیە کرایەوە

ڕۆژی ٤ــ٥ ــ۲۰۱۷ لەمەڕاسیمێکدا بەئامادەبونی وەزیری کاروباری شەهیدان وژمارەیەک لەپەرلەمانتارانی کوردستان و قائیمقامی کۆیە و ژمارەیەکی زۆر لە مامۆستایانی ئاینی و کەس وکاری ئەنفالەکان یادی جینۆسایدی ئەنفالی چوار لەمۆنۆمێنتی دەشتی کۆیە بەڕێوەچوو.

سەرەتای مەڕاسیمەکە بەوەستان بۆگیانی پاکی شەهیدان ده‌ستیپێكردو دواتر وەزیری کاوباری شەهیدان و ئەنفال لەوتەیەکی دا بڕیاری دا زەوی ببەخشێتە ئەو ئه‌و كه‌سو كاری ئه‌نفالكراوانه‌ی كه‌ زەویان وەرنەگرتووە و دواتر چەند وتارێک پێشکەش کرا.

قاسم عومەر بەڕێوەبەری ناحیەی ئاشتی لەوتارێكدا بەخێرهاتنی ئامادەبوانی كردو ئاماژەی بەقۆناغی چوارەمی بروسەی بەدناوی ئەنفالدا كە سنوری دەشتی كۆیەی گرتەوەو تیایدا نزیكەی 75 گوندی گرتەوەو نزیكەی 900 هاووڵاتی مەدەنی تێدا بێ سەروشوێن كرا.

دواتریش مەحمود حاجی ساڵح وەزیری كاروباری شەهیدان و انفالكراوان وتەیەكی پێشكەشكردو لەوتارەكەیدا تیشكە خستەسەر چەند پرسێكی پەیوەست بەخزمەتكردنی كەسوكاری شەهیدان و تەكیدی لەزیاتر خزمەتكردنیان كردەوە.

لەوتاری كەسوكاری  شەهیدانیشدا وێڕای بەهەند زانینی ئەو خزمەتگوزارییانەی كە لەلایەن وەزارەتی شەهیدان پێشكەشكراوە داواكرا زیاتر خزمەت بەكەسوكاری ئەنفالكراوان بكرێ و روفاتی ئازیزانیان بهێنرێتەوە كوردستان و كۆتایی بەو چاوەڕوانییە بێت كە ساڵانێكە هەیانە.

لەسنوری قەزای کۆیەو دەورووبەری زیاتر لە ۹۰۰ خانەوادەی ئەنفال هەیە و حکومەتی هەرێمی کوردستان و وەزارەتی کاروباری شەهیدان زەوی بەخشیوەتە کەس وکاری ئەنفالكراوان لەسنوری قەزای کۆیە.

5 4 3 2

پـــەیـــوەنــدیــدار