پاریس: کۆڕێکی ماتەمینی بۆ نەوشیروان مستەفا بەڕێوەچوو

پاریس: کۆڕێکی ماتەمینی بۆ نەوشیروان مستەفا بەڕێوەچوو

رۆژی شەممەی رێکەوتی 10/6/2017 رەوەندی کوردی دانیشتوی فەرەنسا بە سەرپەرشتی بەرپرسی بزوتنەوەی گۆڕان هەڤاڵ ( دارا بەکر) و ئەندامانی ئەو بزوتنەوەیە ،هەستان بە سازکردنی کۆڕێکی ماتەمینی بەبۆنەی کۆچی بێگەڕانەوەی سەرکردەی خاکی هەڤاڵی تێکۆشەری گەلی کورد نەوشیروان مستەفا سکرتێری گشتی بزوتنەوەی گۆران .

لەم کۆڕە خنجیلە رێکو پێکەدا ژمارەیەکی بەرچاو لە رەوەندی کوردی و نوێنەرانی ژمارەیەک لە حزب و رێکخراوە کوردستانیەکان و دۆستانی شەخسی کاک نەوشیروان بەشدار بوون .

سەرەتای کۆڕەکە بە وەستان بە دەقیقەیەک بۆ رێزلێنان لە شەهیدانی کوردستان دەستی پێکرد و پاشان هەڤاڵ دارا بەکر بە ووتارێک کۆڕەکەی کردەوە و تێیدا بە گەرمی بەخێرهاتنی بەشداربوانی کردو پاشان تیشکی خستە سەر مێژوی خەباتی کاک نەوشیروان لە ژیانیدا بۆ بزوتنەوەی رزگاری خوازی گەلی کوردستان بە گشتی و کوردستانی باشوور بە تایبەتی و دەوری کاریگەری ناوبراوی باسکرد لە سەرەتای رزگار بونی کوردستان لە بەشی باشوور دەستوردی عیراقی دوای دکتاتۆر و پاشان دەستپاکی و دڵسۆزی کاک نەوشیروان لە کاری سیاسیدا .

هەموو نوێنەرانی حزبە سیاسیەکانی کوردستانی بە ووتاری خۆیان بەشداریان کرد ،ئەمە جگە لەوەی کە چەند کەسایەتیەکی دۆستی شەخسی هەڤاڵ نەوشیروان بە وتارو بیرەوەرەکانیان بەشدار بوون ، لەوانە بەرێز یوسف ئەردەلان  دۆستی شەخسی کاک نەوشیروان و یەکێکە لە دامەزرێنەرانی کۆمەڵەی کوردستانی رۆژهەڵات ،تێیدا زۆر بە وردی باسی لە کەسایەتی کاک نەوشیروان و دەوری کاریگەری لە مێژووی خەباتی گەلی کوردا کرد و تیشکی خستە سەر نوسین و بۆچونەکانی کاک نەوشیروان و گێرانەوەی یادگاریەکانی شەخسی خۆی .

جێی باسکردنە کە نوسەر و رۆشنبیری ئەمریکی دانیشتوی فەرەنسا بەرێز ( جۆناتان ڕەنداڵ ) دەستی دێرینی گەلی کورد و هاورێی سەخسی کاک نەوشیروان ئامادە بوو ،ناوبراو لە سەرەتای نەوەتەکانی سەدەی رابوردووەوە  سەردانی کوردستانی کردوەوە و کاک نەوشیروانی ناسیوە ،لە ووتارەکەیدا کە وەک خۆی واتەندی زۆر دڵگران بوو بە کۆچی دوایی کاک نەوشیروان ،ووتی ( کاک نەوشیروان بۆ من یەکێک بوو لەسەرکردە لێهاتوە رۆشنبیرەکانی گەلی کورد ،کە هەر زوو بۆم ڕونبوەوە کە نەوشیروان نەک هەر لە کوردستان بەڵکو لە رۆژهەڵاتی ناوەراستیشدا ئەتوانێت دەوری خۆی لە گۆڕەپانی سیاسیدا ببینێت ، هەروەها ووتی تەنها سەرکردەیەک بوو کە بە راست و دروستی باسی وەزعی کوردستانی بۆ کردم و بەبێ ئەوەی هیچ ستێک لە کەموو کوڕی ناو ڕیزەکانیان بشارێتەوە زۆر بە راستگۆیانە هەموو شتەکانی بۆ ڕونکردمەوە سەبارەت بە راپەرینەکانی کوردستانی باشوور ،هەروەها ووتی کە لەسەر رێنماییەکانی ئەو توانیمان ئەو گەشتە بە لە بارودۆخێکی ئاسیشدا بەبێ کێشە بەسەرکەوتوانە بەرینەسەر ، هەر لەو کاتەوە ئیتر پەیوەندیم لەگەڵیا نەپچریوە ، داخی گرانم کە بەراستی دڵگران بە کۆچی بێگەرانەوەی )

هەروەها هەڤاڵ عەزیزی ماملێ ئەندامی ( ناوەندی کوردی لە فەرەنسا ) خانەوادەی هونەرمەندی خاوەن شکۆی گەلەکەمان ماملێ و نوێنەری کوردستانی رۆژهەڵات لە پاریس ، بە وتارێکی زۆر بە پێز بەشداری کرد و وێرای ناساندنی کاک نەوشیروان بە سەرکردەیەکی کوردستانی لەهەمان کاتدا داوای یەکگرتنی گەلی کوردی کرد و بەبیری هێناینەوە کە دوژمنانمان زۆر بەهێزو زاڵمن و دەبێت دەست بەرداری یەکتر نەبین و یەکگرتوبین و باسی لەوە کرد کە ئەبێت گەلی کورد بیرو بوچۆن و تێزەکانی کاک نەوشیروان بکەنە بنەما ولەسەری لێکۆڵینەوە و کار بکەن خەبات بکەن بۆ رزگار بونی یەکجاری هەموو پارچەکانی کوردستان .

هەر لە میانەی ووتاری حزبە سیایە کوردستانیەکاندا ، ووتاری کۆمیتەی رێکخستنەکانی فەرەنسا لەلایەن هەڤاڵ ( حەمە عوسمان ) کارگێڕی راگەیاندنی کۆمیتەوە لە جیاتی هەڤال ئەرسەلان عەزیزەوە بەرپرسی کۆمیتە، پێشکەش کراو ویرای باسێکی کورتی خەباتی سەرکردە کاک نەوشیروان ، باسی لە سادەیی و خاکی و دڵسۆزی کاک نەوشیروانی کرد بۆ بەشداربوان و چەند یادگاریەکی کاتی پێشمەرگایەتی خۆی لەگەڵ کاک نەوشیرواندا گێرایەوە لیهاتویی و گەورەیی کاک نەوشیرانی بەرزو پڕشکۆ ناساند ،ئەوەی جێی باسە کە هەڤاڵ ئەرسەلان عەزیز بەرپرسی کۆمیتە بە یاوەری هەموو ئەندامانی ئەنجومەنی کۆمیتەو بەرپرسی کەرتەکانی باشوور و باکوروو شاری توور بە تاجەگوڵێکی رێزو وەفا بەشداریان کردو خۆیان بە خاوەنی ئەو کۆڕە ماتەمینیە دانا و هاوکار لەگەڵ هەڤاڵانی بزوتنەوەی گۆڕان بە پێوە پێشوازیان لە بەشداربوان ئەکرد .

بەشدار بوان برێتیبون لە؛-

١/کۆمیتەی رێکخستنەکانی ی.ن.ک لە فەرەنسا .

٢/ مامۆستا یوسف ئەردەلان دەستی دێرینی کاک نەو شیروان .

٣/عەیزی ماملێ ،نوێنەری کوردستانی رۆژ هەڵات .

٤/هەڤاڵ مەمەد عەلی ،بەرپرسی پارتی کرێکارانی کوردستان باکوور .

٥/نوسەری ئەمەریکی ( جۆناتان رەنداڵ ) نوسەر و رۆشنبیری ئەمریکی دۆستی شەخسی کاک نەوشیروان .

٦/خالید عیسا نوێنەری رۆژئاوای کوردستان .

٧/حاجی جەمال پورکیان  بۆ حزبی رۆژی کوردستان سەر بە حزبی دیموکراتی ئێران باڵی مستەفا هیجری .

ئەو کۆڕە خنجیلە جوانە بە شیوەکی ئارام و ئاسودیی بە رێوە چوو وەک رۆحی پاکی کاک نەوشیروان ،رەنگە بە دەیان کۆڕو و کۆنفراس بەس نەبێت بۆ گەورەیی کاک نەوشیروانی سەرکردە و پێشمەرگە ، بەڵام هاوریانی بزوتنەوەی گۆڕان بەڵینیان داوە کە لە داهاتودا کۆڕی تر لەسەر بیرو بۆچونەکانی کاک نەوشیروان سازبکرێت .

حەمە عوسمان

پاریس

ماتەمینی٦ (2) ماتەمینی3 (1) ماتەمینی ٧ (2)

پـــەیـــوەنــدیــدار