تورکیا هێزێکی زۆر کۆ دەکاتەوە بۆ هێرش کردنەسەر کوردستان

تورکیا هێزێکی زۆر کۆ دەکاتەوە بۆ هێرش کردنەسەر کوردستان

لەپاش هەڕەشە بەردەوامەکان و ناردنی چەکی قورس و بۆمب و هەزاران گروپی چەکداری تیرۆریست بۆ ناو خاکی سوریا، تورکیا ئامادەیی ٢٥ هەزار سەربازی دەربڕی بۆ ئەنجامدانی هێرشێک بۆ سەر هێزەکانی سەر بە ئەمریکا لە سوریادا.

رۆژنامەی یەنی شەفەقی تورکی رایگەیاندووە ” سوپای تورکیا و گروپە چەکدارەکان ئامادەن بۆ ئەنجامدانی هێرش بۆ ناوچەی (گرێ سپی، عەفرین، مەنبەج، تەل رەفعەت) لە رۆژئاوای کوردستان، هەموو هێزەکانیش بە تانک و جۆرەها چەکی قورسە پڕچەککراون کە ئامانجیان ناوچەکانی ژێر دەسەڵاتی پەیەدەیە کە ئەمریکا پشتگیری لێدەکات”.

ئاماژەی بەوەشکراوە کە کاری لەپێشینەی تورکیا ئەو ناوچانەیە کە زۆرینەیان تورکومان و عەرەبن وەک مەنەبج و گرێ سپی و گرێ رەفعەتە. هێزەکەش لە ١٥ – ١٧ هەزار چەکدار پێکهاتووە و سوپای تورکیا ٨ هەزار سەربازن.

لەماوەی چەند مانگی رابردوودا سوپای تورکیا و گروپە چەکدارەکان ناوچەکانی ئەعزاز و جەرابلوس و ئەلباب-یان داگیرکرددووە و هەوڵی زۆریان دا بۆ داگیرکردنی شەهبا، بەڵام هێزە کوردییەکان بەرپەرچیان دانەو.

ئەوەی جێی سەرنجە کە لەگەڵ ئەم هێرشە بەردەوامانەی تورکیا بۆسەر یەپەگە کە هاوپەیمانی سەرەکی ئەمریکایە لە رۆژئاوای کوردستان، بەڵام ئەمریکا بێدەنگە و هیچ هەڵوێستێکی لەو بارەیەوە نیە.

س:میللەت

پـــەیـــوەنــدیــدار